Kinner: Frieher  un  Heit 

Wie  han  mer  uns  als  Kinner  g`freit

Uf  so  manche  Sache

Die  täte  in  der  heidich`  Zeit

Ke  Kind  mer  glicklich  mache

 

Wann  mer  han  derfe  mittfohre  in  die  Stadt

Beim  inkoofe  helfe  `s  Gepäck  troon

Mir  hode  morjets  net  ausgschlof  g`hat

Doch  kenner  hat  sich  getraut  des  zu  soon

 

Uf  Oschtre  han  mer  uns  schun  Wuchelang  g`freit

Wel  die  Ojer  versteckelt  wore  in  de  Blumme

Weger  so  was  tät`  in  der  heidichi  Zeit

In  kem  Kind  mer  e  Freed  ufkumme

 

Vor  Naijohr  han  mer  e  Lischt  gemach

Wu  mer  iwerol  misse  hin  winsche  gehn

No  sin  mer  rumgeloof, de  ganze  Toch

Am  Owed `s  Geld  gezählt, des  wor  schen  geween

 

Froh  wor  mer  Sundachs  wann  mer 2-3 Lei  kriet  han

For  in  die  Kondi  gehn

E  G`frornes  un  e  Tschitro  wor  des  dann

Des  kann  e  Kind  heit  net  verstehn

 

Heit  kenne  sich  die  Kinner  schun  gor  nimmi  g`freie

Geld  un  Sießichkeide  gebt`s  sowieso

Derhem  han  se  `s  Zimmer  voll  Spielsache  leie

Un  vum  fortfohre  gebt  och  kenner  mer  froh

 

Schun  Wuche  vor  de  Feiertäch  sin  die  G`schäfter  voll

Mit  Oschter- oder  Weihnachtssache

Die  Kinner  wisse  gor  net  wann  der  Toch  sin  soll

So  is  des  heit, was  kann  mer  mache?

 

Wor  och  frieher  die  Ormut  groß  geween

Un  die  Kinner  han  net  alles  kriet, so  wie  heit

Kann  mer  des  heit  och  nimmer  verstehn

Mir, als  Kinner  han  uns  uf  jedi  Klenichkeit  g`freit. 

                                                                                    Helmuth  Ganzer

but1.gif (1867 Byte)weiter

zurückblink.gif (2510 Byte)