Freed

Wann  ich  so  noudenk, liewe  Leit,

han  mir, dort  unne, uns  bal  e  Dutzend  mol  am  Toch  g`freid.

Glei  am  Morjet  wor  mer  froh,

wann  de  Wecker  g`schellt  hat  un  de  Strom  wor  noch  do.

Die  zweiti  Freed  gleich  hinne  dron,

wann`s  Wasser  geloof  is  aus  em  Wasserhohn.

Dann  sin  mer  an  de  Bus  geeilt,

un  wann  Er  g`fohr  is, des  wor  die  nächschti  Freid.

Wann  in  der  Orweit  e  biss`l  worm  wor, wore  mer  froh,

des  wor  oft  net  der  Fall, weger  dem  Heizmatteriol  un  soo...

Wann  mer, noh  der  Orweit, was  in  em  G`scheft  g`funn  hat,

hat  mer  glei  e  doppelti  Freed  g`hat.

Un  wann`s  nor  Brot  wor, liewe  Leit,

mer  hat  sich  sehr  derdriwer  g`freid.

Wann  de  Bus  dann  hem  g`fohr  is  wore  mer  froh,

un  wann  oweds  was  halbwegs  gutes  im  Fernseh  wor  genausoo.

Forausgsetzt  Sie  hann  net  wieder  de  Strom  abg`stellt,

oder  aus  irgend  em  Grund  es  ganzi  Progrom  umg`stellt.

Ja  Leit, so  hat  mer  kenne  dort  eni  Freed  an  die  anner  reihe,

un  jetz, do, iwer  was  soll  mer  sich  do  noch  freie?

Mer  kried  un  hat  alles  glei,

un  hat  gor  ke  Freed  me  derbei.

Doch  wann  mer  Irgendwas  mol  net  glei  hat  oder  find,

is  mer  glei  spinnebees  un  verhalt  sich  wie  e  Kind.

 Helmuth  Ganzer

 

but1.gif (1867 Byte)weiter

zurückblink.gif (2510 Byte)